Krenaria kur e sheh të bijën tashmë të rritur e të lumtur është e ëmbël pasi i vjen në mëndje kujtimi ende i gjallë kur ajo ishte një vajzë e vogël.
Për një familje nga Brighton, ky moment ishte i paharrueshëm.
Hayley Elliott e kishte ditur gjithmonë se babai i saj, Martin ishte “ndryshe”. Megjithatë, ajo nuk e kuptoi plotësisht pse-në, deri kur ai u diagnostikua me autizëm, pesë vite më parë.
Para kësaj diagnoze, Martin ishte diagnostifikuar gabimisht me skizofreni, gjë që do të thotë se nuk merrte ndihmën e nevojshme për shumicën e jetës së tij.
Fatkeqësisht, ky rast nuk është aq i zakonshëm sa mund të mendoni. Diagnostifikimi i gabuar dhe diagnoza e vonë është një predispozicion i zakonshëm për ata që janë në spektrin autik, me simptoma që manifestohen ndryshe nga personi në person.
Një diagnozë e shpejtë mund ta ndihmojë një individ ta kuptojë veten më mirë. Mund të duhen vite për ta kuptuar se dikush është autik, pasi disa persona nuk i shfaqin këto shenja fare.
Pavarësisht se është një person i kujdesshëm dhe zemërgjerë, Martini më parë ka patur probleme të tregojë ndjenjat e tij, të tregojë anën e tij emocionale.
Sidoqoftë, fotografi i dasmës së Hayleyt arriti të kapte një foto bardh e zi para vallëzimit të saj me Martinin, i cili është fiksuar duke fshirë një lot gëzimi.
Hayley rrallë e kishte parë të atin të shprehte një emocion të tillë.
Duke e ndarë foton në Facebook, fotografia u shpërnda shpejt nga mijëra njerëz dhe Hayley mbeti e “befasuar” nga fakti se sa gjerësisht kishte ndikuar fotoja tek njerëzit.