Përfundon në asfalt përralla e modeles shqiptare, vdes tragjikisht bashkë me të dashurin
Përralla e bukur në të cilën po jetonin Chris dhe Stella u shkatërrua mbi asfaltin e rrugës Acqua Vergine pasditen e së dielës në Collatino, Itali, teksa udhëtonin me motorin e tyre dhe u përplasën nga një Benz, i cili drejtohej nga 34-vjeçari A.M., me origjinë rumune. Ngjarja ndodhi në një kthesë të fortë.
30-vjeçari Christian Milo, fotograf profesionist në botën e modës, vd.iq në vendngjarje, ndërsa e dashura e tij, 31-vjeçarja Stella Vasilika Kerxhalli ndërroi je,.të pak më vonë, rrugës për në spital.
Ishin njohur në një set fotografik rreth 7 vite më parë. Chris kishte fotografuar Stellën, i cili në atë kohë pozonte si modele dhe nga ai moment nuk i hoqi më sytë prej saj.
Giuseppe Torcaso, mik dhe bashkëpunëtor i ngushtë i çiftit tregon:
Ishin shumë të dashuruar. Kishin shkuar të jetonin bashkë në Giardinetti. Prej pak kohësh kishin blerë një shtëpi dhe kishin në plan të martoheshin. Nuk e besojmë dot. është makth. Humba një koleg, një mik dhe vëlla. Ishte personi i parë që njoha në akademi dhe prej asaj kohe kemi qenë gjithmonë bashkë. Ai bënte fotot ndërsa unë videot. Këtë të mërkurë (nesër) kishim planifikuar të shkonim bashkë në Milano”.
Stella Vasilika është shqiptare, por gjatë viteve të shkollës në Itali, ajo është birësuar nga një familje romane. E kishte lënë pas karrierën e modelimit për të studiuar arkitekturë derisa u njoh me Chris. Ajo ishte gjithmonë pranë tij dhe e ndihmonte për gjithçka.
