Ish-deputetja e Partisë Demokratike, Grida Duma e ftuar në emisionin “Tempora” në RTV Ora tha se Reforma në Drejtësi nuk është bërë enkas për Shqipërinë, por për të gjithë Ballkanin.
Grida Duma: Do jem koherente përgjatë gjithë kohës që do jem pjesë e opinionit publik, duke mos pranuar që fajin e ka populli. gjëja e fundit ti lejojmë vetes është të ndryshojë shoqëria pa i dhënë shembullin e suksesit.
E gjithë përgjegjësia është tek klasa politike, pa asnjë dyshim. Është në natyrën e gjërave që pushteti të tentojë të marrë shumë pushtet edhe drejtësinë. Ndërkombëtarët nuk do qëndrojnë me ne.
Po nga ana tjetër jemi në situatë kur duhet të kuptojmë kur ka nisur diskutimi për reformën në drejtësi kam thënë nuk është çështje shqiptare është çështje ballkanike. Agjenda e reformës në drejtësi nuk ka pasur të bëjë vetëm me Shqipërinë, është tërësore, e Ballkanit.
