Një djalë 10 vjeç nga Franca që u helmua në vitin 2011 nga mishi i kontaminuar i supermarketeve ka ndërruar jetë. Prej vitesh, ai ishte nën kujdesin intensiv të mjekëve.
Nolan Moittie, bashkë me 14 fëmijë të tjerë u sëmurën pasi hëngrën hamburger me mish viçi të infektuar nga bakteret E. coli.
Mishi i ngrirë erdhi nga një firmë e quajtur SEB, me qendër në Saint-Dizier, në Francën veriore, dhe u shit nga Lidl. Në vitin 2017, ish-shefi i SEB-së Guy Lamorlette u burgos për dy vjet për shkak të helmimit nga ushqimi.
Nolan u paralizua dhe bëri disa operacione. Ai humbi jetën të shtunën (14 shtator).
Ai ishte më i prekuri nga bakteri E. coli që i shkaktoi dëmtime të mëdha në tru.
Fëmijët e dërguar në spitalet në Lille dhe Douai në 2011 kishin simptoma të infeksionit të zorrëve dhe veshkave.
