Kreu i Grupit Parlamentar të PS-së Taulant Balla ka folur për çështjen e Valdrin Pjetrit, i cili i pezullua nga funksionet në PS pas akuzave nga PD-ja.
Balla teksa është pyetur se çfarë do të ndodhë me këtë çështje ai ka deklaruar se duhet të plotësohen vakancat pas largimit të Pjetrit. Por në këtë moment ai është përplasur edhe gazetaren, pasi e ka quajtur zëdhënësen e Metës.
Bashkëbisedimi me gazetarët:
Gazetarja: Me çfarë do të ndodhë me Shkodrën, pas rastit të Valdrin Pjetrit? Presidenti ka thënë qe nuk e njeh 30 qershorin dhe nuk cakton date të re.
Balla: Ju flisni sikur të ishit zëdhënësja e Metës, është detyrimi qeveria pas vakancës të marrë hapat e tyre. Komisioni Paralamentar të bëjë detyrat për plotësimin e vakancës.
Gazetarja: E ka thënë Presideni nuk e them unë, të lutem zoti Balla.
Disa javë më parë , Partia Demokratike publikoi dokumentet ku sipas tyre vërtetohet se kryebashkiaku i Shkodrës ka qenë dënuar me 18 muaj bu rg në Itali për dr ogë.
Pjetri nga ana tjetër, dha dje dorëheqjen dhe tha se do të fokusohet në zbardhjen e të vërtetës, duke mohuar dën imin.
Rama pezulloi të gjitha funksionet e tij në Parti, ndërkohë që ende ka ngërç lidhur me datën e re të zgjedhjeve në Shkodër. Prokuroria e Përgjithshme ka nisur hetimet dhe thekson se pret përgjigje nga Italia.
