Prej vitesh tashmë dihet se marrëdhënia mes reperit Stresi dhe Noizyt nuk janë aspak të mira. Mes tyre shpesh herë ka pasur sherre, thumbime dhe gjithashtu disse të ndryshme nëpër këngë që janë komentuar shpesh në media.
Mirëpo, pak ditë më parë të gjithë u habitën teksa Stresi nisi të ndjekë një faqe të Noizyt në Instagram. Në media u tha se armiqësia mes tyre kishte marr fund dhe siç duket një gjë e tillë mund të jetë e vërtetë pasi veprimi i fundit i Stresit i ka habitur fansat.
Në një video të publikuar në rrjetet sociale, Stresi shihet teksa pushon në pishina së bashku me miqtë e tij, ndërkohë që në sfond është vendosur kënga e Noizyt “Nuk kan besu”. Ndryshe nga sa prisnin të gjithë, Stresi nuk e ka pasur aspak problem këngën dhe ka vijuar normalisht bisedën me mikun e tij.
