Këto ditë po bën bujë të madhe në media lajmi i ndarjes së çiftit shumë të dashur për publikun shqiptar, Nora Istrefit dhe Robert Berishës. Ishte Roberti ai që e lajmëroi ndarjen nëpërmjet një fotoje të publikuar në Instagram, ku tregonte se ai dhe Nora tashmë nuk ishin më bashkë.
Ky lajm mërziti fansat dhe madje disa prej tyre organizuan protestë kundër ndarjes së tyre. U tha se çifti kishte probleme prej kohësh dhe largësia i kishte ftohur marrëdhëniet mes tyre. Mirëpo, burimet kanë treguar se në fakt arsyeja e vërtetë e ndarjes ishte tradhtia e Norës ndaj Robertit.
“Prej të paktën një viti Nora është në lidhje jashtëmartesore me njërin prej avokatëve, ndër më të njohurit në Kosovë dhe kjo është arsyeja e ndarjes”, ka treguar një mik i ish çiftit .
Megjithatë, identiteti i personit në fjalë mbetet i pazbuluar dhe çifti ende nuk ka reaguar pas lajmit të tradhtisë. Nora bëri ndryshime në profilin e saj në Instagram duke hequr fotot me partnerin dhe duke lënë vetëm 3 prej fotove më të veçanta të çiftit.
