Është folur gjatë në mediat online që këtë vit do të fillojë ‘Big Brother’, por deri tani s’ka patur gjë zyrtare. Fillimisht u tha që s’do ketë Big Brother, por tashmë sërish po përflitet për një rikthim të këtij programi pas 3 vitesh mungesë.
U aludua se spektakli mund të niste nga pjesa e dytë e muajit mars dhe do të zgjaste deri në qershor. Së fundmi, në lidhje me këtë lajm ka reaguar edhe moderatorja Arbana Osmani e cila ka prezantuar prej vitesh këtë emision. Arbana ka publikuar disa foto në Instastory të marra nga edicionet e viteve të kaluara nga ‘Big Brother’ e cila ka shkruar:
‘Shpresoj të dija, por në të vërtetë nuk e di. Shpresoj t’ju shoh së shpejti. Natën e mirë.’- ka shkruar Arbana duke na lënë të kuptojmë se mund të jetë ajo prezantuesja e spektaklit të famshëm.
