Zbrazen spitalet, edhe 200 infermierë të tjerë nga Shqipëria në pritje për tu larguar drejt Gjermanisë

Rreth 6 mijë e 500 infermierë kanë lënë Shqipërinë vitet e fundit për të punuar në institucionet shëndetësore të vendeve Europiane.

Interes më të lartë kanë treguar spitalet gjermane përfaqësuesit e të cilëve tashmë kanë ardhur në Shqipëri për të bindur infermierë e mjek t`ju bashkohen stafit të tyre.

Spitalet gjermane kanë rritur interesin për të bërë pjesë të stafit të tyre mjekët dhe infermierët shqiptarë. Sipas burimeve të Ora news rezulton se ditë më parë një prej spitaleve gjermane ka zhvilluar takim me infermierët e QSUT ku iu ka ofruar atyre punë kundrejt pagave të larta dhe kushteve më të mira.

Mësohet se janë përzgjedhur afro 20 infermierë të cilët pritet të lënë Shqipërinë pasi të marrin certifikatën e gjuhës gjermane.

Shoqata e infermierëve thotë se fenomeni i largimeve nuk ka prekur vetëm spitalet shtetërore por edhe ato private.

Po sipas kësaj shoqate rezulton se vitet e fundit janë larguar nga vendi, kryesisht drejt Gjermanisë, 6 mijë e 500 infermierë.

Shifrat janë alarmante sa i përket edhe mjekëve. Sipas Urdhërit të Mjekut vetëm përgjatë vitit të shkuar kanë lënë vendin 164 mjekë.

Arsyet nuk janë vetëm ato financiare, shumë prej tyre shprehen të pakënaqur me vlerësimin e figurës së personelit shëndetësor si dhe kushtet e punës që ende lënë për të dëshiruar.

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...