Shkoi të mblidhet manaferra në mal por u zhduk për 4 ditë. Kjo është historia e Mezir Ahmetajt, 60 vjeç, i cili të dielën e 4 gushtit, kishte dalë për të mbledhur manaferra në pyll në fshatin Dardhë të Pukës, por prej asaj dite familjarët humbën kontaktin me të.
Familjarët kërkuan ndihmën e policisë, dhe së bashku me banorët e zonës nisën kërkimet. Në ndihmë të tyre shkoi dhe një helikopter VIVA, me stafin e specializuar për operacione të tilla.
60 vjeçari u gjet mesditën e sotme dhe u transportua në spital në gjendje të të fikti. Ndërkohë ndihma e parë iu dha dhe në zonë prej ekuipazhit të helikopterit VIVA që edhe më parë kanë kryer ndërhyrje të vështira në zona të ndryshme.
Ahmetaj ishte helmuar si pasojë e konsumit të frutave të pyllit të cilat i kishin shkaktuar dhe humbje të memories dhe të ekuilibrit. Mësohet si ai kishte rrëshkitur në mal dhe si pasojë kishte thyer këmbën dhe dëmtime të tjera.
Pas dërgimit në spitalin e traumës Familjarët e Ahmetaj falenderuan stafin e VIVA dhe policinë e shtetit për ndihmën e dhënë duke i shpëtuar jetën 60 vjeçarit
