Ditë më parë lajmi se një baba shqiptar në Australi kishte vrarë vajzën e tij 20-vjeçare shokoi mbarë opinionin publik.
Petrit Lekaj goditi me thikë të bijën në makinën e tij duke i marrë jetën për shkak se ajo kaloi mbrëmjen me shoqërinë në një festë.
Sabrina Lekaj 20 vjeçe ishte studente në universitetin e Australisë Jugore.
Ditën e djeshme Sabrina është përcjellë për në banesën e fundit dhe “Daily Mail Australia” ka publikuar pamjet rrënqethëse ku e ëma, vëllai i vogël dhe miqtë i japin lamtumirën e fundit.
Në pamje duket arkivoli rozë i 20-vjeçares me disa foto të buzëqeshura të saj, diploma (thuhej se e ndjera ishte me rezultate të shkëlqyera në studime) dhe një foto me piano pasi merrte mësime muzike.