Pas ditëve të nxehta me diell, dje Shqipëria u përfshi nga moti vrenjtur me erëra të forta. Sipas “Meteoalb”, situata do të vazhdojë të jetë e njëjtë në ditët në vazhdim. Në të gjithë vendin priten reshje shiu dhe një erë e fortë, kryesisht në pjesën e dytë të ditës.
Temperaturat do të shënojnë zbritje në të gjithë Shqipërinë. Qarku i Shkodrës dhe i Lezhës do të ketë reshje mesatare dhe të shoqëruara me shtrëngata, ndërsa në pjesën tjetër të vendit priten reshje të dobëta.
Përsa i përket ditës së sotme, pas mesditës priten kthjellime në të gjithë vendin.
