Sekretari i përgjithshëm i PS Taulant Balla thotë se dhe ai përmendet në përgjimet e gazetës gjermane Bild, ku janë implikuar disa zyrtarë socialistë për shit-blerjen e votave në Dibër.
Balla tha në emisionin ‘Përballë’ të gazetarit Lutfi Dervishi se një nga personat e përgjuar e kishte marrë në telefon në orën 02:00 të natës dhe i kishte thënë se e kishte rrahur Falmur Noka me disa persona të tjerë.
‘Në ato përgjime jam dhe unë. Jam dhe unë sepse një nga personat në përgjim në 2 të natës më merr në telefon dhe më thotë se e ka rrahur Flamur Noka me disa persona te tjerë dhe që më pas i kanë ikur policisë’, tha Balla.
Kujtojmë se gazeta gjermane Bild ka publikuar një seri përgjimesh për shit-blerjen e votave në Dibër ku zyrtarë të lartë socialistë, ministra e deputetë, falsin me zyrtarë lokal që të sigurojnë vota për PS.