Në konferencën e disa ditëve më parë, ku doli kundër të gjithëve, Presidenti Ilir Meta ndër të tjera theksoi se gruaja e tij Monika Kryemadhi ka një pallat tek zona e “Unazës së Re”.
“Unë jam president, nuk më intereson Monika dhe askush tjetër. Monika falë firmës së Lulit dhe Edit si kryetar bashkie e ka një pallat tek Unaza e Re. I ka të sigurt fëmijët Monika. Janë tërë ata njerëz që duan të ikin”, u shpreh presidenti.
Në lidhje me këtë deklaratë të presidentit ka folur edhe vetë kryetarja e LSI-së e cila është shprehur në emisionin “Kjo Javë” se ky pallat është ndërtuar në tokën e babait të saj.
“Monika ka një pallat me 16 mijë metra katrorë. Pallati është bërë në tokën e babait të saj. Janë shitur hyrjet dhe Monika paratë i ka ndarë në bankë për shkollimin e fëmijëve të saj, si detyrim i çdo prindi”, tha Kryemadhi.