Kryeministri Edi Rama ka dhënë një intervistë për “La Stampa” ku ka deklaruar se shqiptarët që shkuan të votojnë shpëtuan në radhë të parë vendin. Duke mos i shtyrë zgjedhjet, mbrojta demokracinë, deklaroi kryeministri për gazetën e njohur italiane.
Kryeministri ka folur edhe për veshjen e tij në 30 qershor ku u shfaq me pantallona treçerekshe dhe çorape të gjata.
“Më kanë kritikuar pasi votova i veshur me një xhaketë elegante dhe pantallona të shkurtra me çorape. Kujtohuni që kam qenë i pari që kam veshur atlete me kostum. Sot jam në modë: bëj tendencë”, është shprehur Rama.
