Janë dy nga çiftet më të komentuar në media, por asnjëri prej tyre nuk e pranon lidhjen publikisht. Prej kohësh po përflitet se moderatorja Bora Zemani është në një lidhje me Donald Veshajn ndërsa këngëtarja Jonida Maliqi me Romeo Veshajn.
Pak ditë më parë u publikua një video ku Jonida dhe Romeo shfaqeshin duke kaluar momente romantike në pishina, video e cila u komentua shumë dhe vërtetoi lajmet se ata janë bashkë.
Ndërsa së fundmi dy çiftet janë fotografuar nga “Pamfleti” në një nga restorantet e kryeqytetit përkrah vëllezërve binjakë.
Në një intervistë për “Revista Class”, Jonida tha se ndihej e lumtur momentalisht kur u pyet nëse në jetën e saj ka një Romeo.
“Jeta ime personale dua të mbetet e tillë, ndaj mund të shprehem se jam e qetë dhe e lumtur momentalisht”, u shpreh Jonida.
