E pabesueshme, por e vërtetë. Futbolli është në një ditë zie, teksa ditën e sotme ka ndërruar jetë Jose Antonio Reyes. Ish-futbollisti i Sevillas, Arsenalit apo dhe kombëtares spanjolle është ndarë nga jeta në moshën 35-vjeçare.
Një aksident me makinë në vendlindjen e tij Utrera ka qenë shkaku i tragjedisë. Reyes vijonte karrierën e tij në ligën e dytë spanjolle me ekipin e Ekstramadurës.
Ish-klubi i tij, Sevilla, shkroi: “Nuk mund të konfirmonim lajme më të këqija se ky, ylli i dashur i Sevilla, José Antonio Reyes, ka vdekur në një aksident automobilistik. Reyes ishte lojtari më i ri në historinë e Sevilla, që bëri debutimin me ne, duke luajtur për klubin në moshën vetëm 16-vjeçare”.
