Pak javë më parë bëri bujë në media lajmi se moderatorja e njohur Arbana Osmani do të largohej nga televizioni ‘Top Channel’ duke lënë në mes emisionin ‘Dua të të bej të lumtur.’ U tha se Arbana kishte debatuar me drejtorin e ‘Top Channel Ben Blushi dhe se nuk ishte e kënaqur me rrogën e saj.
Megjithatë, moderatorja i hodhi të gjitha lajmet poshtë duke treguar nëpërmjet postimeve se vazhdonte punën në Top dhe se emisioni i saj do vijonte normalisht.
Por pak minuta më parë ajo ka alarmuar fansat pasi ka publikuar një foto duke rrëfyer se po kalon ditët e fundit në Top.
‘Ditët e fundit në Top, e lodhur por e lumtur’, ka shkruar moderatorja dhe të gjithë fansat kanë nisur ta pyesin se nëse do të largohet nga televizioni i njohur.
Mirëpo, Arbana i ka kthyer përgjigje disa fansave duke i qetësuar dhe duke treguar se do të shkojë me pushime pas mbarimit të emisionit.
