Bebe Rexha shpesh herë është përballur me refuzime nga ana e stilistëve për shkak të masës saj të madhe. Ky problem i saj u bë shumë mediatik kur stilistët nuk dëshironin t`i bënin fustanin për në “Emmy Awards”.
Por këngëtarja njihet dhe për sinqeritetin dhe nuk shtiret për të qenë “perfekte”.
Në postimin e saj të fundit ka hedhur një foto me bikini, foto e cila nuk ka asnjë montazh. Ajo e shoqëron foton me shkrimin:
“Mbase duhet të kisha Photoshop-uar barkun që ta bëja të dukej i sheshtë. Mbase duhet të kisha Photoshop-uar këmbët që të dukeshin më të holla. Mbase duhet ta kisha bërë veten të dukesha më e gjatë dhe të pastroja celulitin. Por nuk e bëra. Shoqëria mund të të tjetërsojë krejtësisht. Ja si duket një grua pa Photoshop në Instagram.”
