Në vendin tonë kontrolli farmaceutik ndaj barnave duket se është një hap pas. Kjo për shkakun e thjeshtë se lehtësisht në çdo farmaci mund të gjesh shurupin “Ponstan” i cili nuk lejohet të tregtohet në shumë vende të botës.
E fundit që ka reaguar ka qenë Agjencia Kombëtare e Barnave të Greqisë. Kjo agjenci ka urdhëruar të gjitha farmacitë e vendit që të heqin nga rastet të gjitha sasitë e shurupit “Ponstan” për shkak të sasive të palejuara të plumbit dhe litiumit që gjenden në të.
Sipas “Zougla.gr”, autoritetet greke kanë konstatuar se sasia e këtyre lëndëve është shumë më e lartë se sa masa e lejuar prej Bashkimit Europian duke paralajmëruar sanksione të forta ndaj atyre që ia ofrojnë pacientëve.
Tashmë mbetet të shihet se si do të veprojnë depot farmaceutike në vend dhe a do të ndalohet tregtimi i këtij produkti.
