Një turist kinez, i cili u ndalua nga siguria e aeroportit në Australi për mbajtjen e një bidoni të madh me qumësht, qëndroi deri në fund i vendosur për të mos e çuar dëm.
Turisti nga Zhengzhou, provinca Henan e Kinës lindore, po kalonte një bidon që mbante 3 litra qumësht përmes një aeroporti në Australi, kur u ndalua nga stafi në pikën e kontrollit të sigurisë.
Pasi iu tha se kishte shkelur sasinë e lëngjeve që mund të mbante në çantën e tij të dorës, ai e kapi shishen plastike dhe nisi të pinte rreth 2,5 litra qumësht që kishte mbetur në të.
Videoja e filmuar nga miku i tij tregon turistin duke e pirë me zor qumështin vetëm që mos i shkonte dëm.
Personi që filmoi videon u shpreh për mediat se ata e kishin marrë qumështin se ishte shumë i lirë krahasuar me Kinën.
