Një 13-vjeçar, që para disa vitesh njihej si fëmija më i shëndoshë në botë, ka humbur tashmë gjysmën e peshës së tij.
Arya Permana nga Indonezia, që dikur peshonte 191.9 kg, pret që së shpejti t’i nënshtrohet një operacioni për të shpëtuar nga lëkura e tepërt e mbetur prej kilogramëve të tepërt.
Në moshën 10-vjeçare ai e kishte të pamundur ecjen si pasojë e peshës dhe mësimet e shkollës i merrte në shtëpi.
Duke qenë se pesha e tij po bëhej kërcënuese për jetën, Arya u bë personi më i ri në moshë që iu nënshtrua një ngushtimi stomaku.
Procedura, e shoqëruar me një dietë strikte me peshk dhe perime të pjekura në skarë, e ndihmuan adoleshentin që të humbiste 106 kg. Tashmë ai peshon 85.8 kg.
Pas rënies në peshë, një kirurg është ofruar që të heqë lëkurën e tepërt që ka mbetur e varur në gjo.ksin dhe krahët e adoleshentit.
