Ndërsa ka tentuar të vlerësojë punën e Policisë së Shtetit, kreu i Grupit Parlamentar të PS, Taulant Balla i ka nxjerrë një sekret, lidhur me hetimet ndaj grabitjes së bujshme dy ditë më parë në aeroportin e Rinasit.
Gjatë fjalës së tij në Parlament, Balla duke dashur të përshëndesë reagimin e policisë ndaj grabitësve, tha se ajo u përgjigj duke vrarë njërin prej tyre
dhe duke plagosur një tjetër. Lidhur me detajin se një tjetër grabitës mbeti i plagosur u përfol fillimisht në media ditën e ngjarjes, por policia nuk e ka përmendur deri tani.
“Ministri Lleshaj do t’ju përgjigjet, dua ta falenderoj policinë e shteti për reagimin për herë të parë pas kaq vitesh dhe arriti të asgjësojë një prej
kriminelëve, të ketë plagosur njërin syresh dhe të jeni të bindur se deri në javën e ardhshme kur të zhvillohet interpelanca, rezultatet e punës të policisë të jenë të tilla”, tha Balla.
