Një nënë ka sjellë në jetë djemtë binjakë në dy spitale të ndryshme rreth 84 km larg njëri-tjetrit.
Gruaja u dërgua në spitalin Caithness General Hospital, në Wick, Skoci pasi i shpërthyen ujrat ndërsa ishte vetëm 30 javëshe shtatzënë.
Por më pas u mor një vendim për ta dërguar në spitalin Raigmore Hospital në Inverness, për trajtim më të specializuar.
Por në gjysmën e rrugës, ambulanca ndaloi në spitalin Golspie në Sutherland ku gruaja lindi djalin e parë.
Një mjek dhe dy infermierë u sollën në spital për tu kujdesur për binjakun e parë.
Mjekët morën vendimin për ta dërguar nënën përsëri në spitalin në Inverness. Ajo së bashku me të porsalindurin u dërguan me ambulanca të ndryshme në Raigmore Hospital.
Kur mbërritën në Inverness lindi binjaku i dytë që u dërgua në njësinë speciale të kujdesit për foshnjet së bashku me vëllain e tij.
Binjakët qëndruan gjashtë javë në spital para se mjekët ti vendosnin ti dërgonin në shtëpi.
Nëna dhe foshnjet janë në gjendje të mirë shëndetësore.
