Nisur nga situata e motit në vend, Autoriteti Rrugor Shqiptar informon të gjithë drejtuesit e mjeteve në lidhje me situatën e rrugëve në vend.
Gjatë natës ka pasur reshje bore në juglindje dhe ne veri të vendit.
Ndërkohë, sipas ARRSH-së kompanitë e mirëmbajtjes kanë qenë në punë me mjetet borëpastruese dhe është bërë shpërndarja e kripës.
ARRSH rekomandon përdorimin e zinxhirëve në rrugët Korçë-Ersekë, Qafë Bigell-Dogana Goricë, rruga e Dardhës dhe e Voskopojës.
Po ashtu, ARRSH apelon drejtuesit e mjeteve te tregohen të kujdesshëm, të jenë të pajisur me goma dimërore dhe të përdorun zinxhir në rrugët që kemi lajmërur, të respektojnë sinjalistikën rrugore dhe udhëzimet e Policisë Rrugore.
