Analisti Baton Haxhiu, njëkohësisht këshilltar i kryeministrit Edi Rama, është shprehur sot në emisionin ‘Open’ në Top Channel se, djegia e mandateve ndodh shumë rrallë, por pasoja juridike dhe politike nuk ka për vendin. Sipas Haxhiut, me këtë vendim ka nisur funerali i lehtë i Partisë Demokratike.
“Opozita ka dashur të ndërtojë simbolikën e diktaturës me këtë veprim. Tragjedia e kësaj historie është lideri i PD, Sali Berisha dhe farsa e kësaj historie është Lul Basha. Vendimi i sotëm është moment i rëndë për demokracinë në Shqipëri.
Unë shoh disa elementë që e bëjnë opozitën delikate, të pafuqishme dhe që nuk e ka merituar votën e atyre që ia kanë dhënë. Sot ka nisur funerali i lehtë i PD-së dhe liderit të saj, Sali Berisha.
Njeriu që e krijoi PD-në nuk e duron mbajtjen e saj, por bashkë me zbehjen e tij dëshiron që funeralin t’ia bashkangjisë edhe partisë”, theksoi Haxhiu.
“Ky nuk është gjest i PD-së dhe Lul Bashës, por vetëm i Sali Berishës”, theksoi Baton Haxhiu.
