Djegia e mandateve, apelon ish-ministri i LSI: Cilido opozitar të bashkohet me propozimin e Bashës

323

Pasi kreu i PD, Lulzim Basha deklaroi se do t’i propozojë Grupit Parlamentar të PD dhe organeve më të larta vendimmarrëse të djegin mandatet si mesazh i ardhur nga protesta e djeshme, ka ardhur edhe reagimi i ish-ministrit Ylli Manjani.

Nëpërmjet një postimi në rrjetet sociale, Manjani është shprehur se çdo opozitar duhet të bashkohet me propozimin e kreut të PD-së për djegien e mandateve.

“Cilido që është opozitar duhet të bashkohet me propozimin e

Lulzim Bashës për të djegur mandatet e këtij parlamenti monist”, shkruan Manjani në Facebook.