Një ditë më parë shoferët e taksive të licensuar në qytetin e Shkodrës organizuan një protestë përpara institucionit të Bashkisë , kundër konkurrencës së pandershme që po i bëhet nga taksitë e palicensuara.
Ndërkohë sot situata pranë sheshit të ish-5 Heronjve ishte krejtësisht ndryshe nga ditët e tjera kur taksitë dhe furgonët veprojnë në të zezë. Policia e qarkullimit rrugor bashkë më atë Bashkiake që në orët e para të mëngjesit të sotëm u angazhuan për të monitoruar situatën.
Sipas burimeve nuk është gjobitur apo bllokuar asnjë automjet që vepron në mënyrë të paligshme. Mesa duket prania e policisë që herët në mëngjes ka trembur shoferët e palicensuar të cilët nuk kanë vepruar sot në të zeze
Për shoferët e taskive të licensuara ky veprim është për tu falenderuar, megjithatë ata nuk janë optimist se ky aksion i policisë do të jetë afatgjatë, në të kundër thonë se do të dorëzojnë licensat
Mendohet, se mjete të tjera të palicensuara u marrin punën taksive, duke ofruar tarifa më të ulëta, për shkak se nuk paguajnë taksat.
