Policia e Hong-Kongut ka njoftuar se e ka gjetur një granatë dore të prodhimit gjerman në një dërgesë të patateve që ishte nisur nga Franca dhe destinacion të fundit kishte një fabrikë të çipsave.
Granata është tetë centimetra e gjerë dhe ka qenë e kurdisur, por nuk ka shpërthyer për arsye të panjohura. Ajo u gjet në fabrikën “Calbee” që ndodhet në rajonin lindor të Sai Kungut. Granata u shpërthye me sukses nga ekipet e specializuara të policisë.
“Të gjitha informacionet na tregojnë se granata është importuar nga Franca bashkë me thasët e patateve”, tha Wong Ho-hon, zëdhënës i policisë së Hong Kongut. Ai tha se ky mjet është shpërthyer përmes teknikës me ujë me shtpypje të lartë.
Besohet që granata është vendosur aksidentalisht në thesin e patateve, të cilat janë nxjerrë nga toka e Francës.
Vitin e kaluar, mijëra banorë ishin detyruar të zhvendosen në një zonë të ngarkuar tregtare të Hong Kongut pasi policia e kishte shpërthyer në mënyrë të kontrolluar një bomë të Luftës së Dytë Botërore, shkruan “BBC”
