Aktori, moderatori dhe aktivisti Russell Brand ka bërë thirrje që të ndalohet gudulisja tek fëmijët pasi “shkel privatësinë e tyre”. 43-vjeçari u shpreh për Daily Star se do të ndëshkonte këdo që përpiqet të guduliste të bijat, Mabel 2 vjeçe dhe Peggy, gjashtë muajshe.
Brand theksoi se “ndihet i turpëruar” që në të kaluarën ka gudulisur djalin e komedianit David Baddiel, Ezra.
“Është një përpjekje e pakuptimtë që cenon privatësinë e fëmijës, i heq të drejtën të kenë hapësirën e tyre dhe të jenë të qetë. A do ta bënit këtë tek një i rritur? A do t’i fustnin gishtat tek barku ose nën sqetull. Sigurisht që jo.”
Së fundmi, ai u komentua ashpër nga ndjekësit pasi deklaroi se nuk mund të qëndrojë për shumë gjatë me të bijat, pasi gruaja e tij Laura Gallacher kujdeset më mirë. Në vijim, Brand sqaroi se e bën këtë pasi “ajo kujdeset më shumë për to” dhe rrjedhimisht di të kujdeset më mirë se ai.
Rikthehemi edhe njëherë tek gudulisja: Pavarësisht se është një veprim i zakonshëm, nuk këshillohet gudulisja tek fëmijët, pasi në pamundësi për të shprehur siç duhet emocionet e tyre, është vështirë të dallohet nëse po kënaqet apo është thjesht i nevrikosur dhe i trembur.
Po për të rriturit a funksionon kështu? Në fakt, ka njerëz që gudulisja u shkakton ankth prandaj sigurohuni t’i pyesni më parë pasi mund të përballeni me një surprizë të pakëndshme.
Për kulturë më shumë: Në lashtësi, gudulisja është përdorur si një formë torture, kryesisht në dinastinë Han në Kinë. Robërit shëroheshin shumë shpejt dhe nuk kishin fare shenja dhu.ne.
Romakët gjithashtu thuhet se e kanë praktikuar. Merrnin një dhi dhe e vendosnin pranë tavolinave ku ishin lidhur robërit në mënyrë që ajo t’u lëpinte shputat. Tortura me gudulisje është praktikuar edhe gjatë regjimit të Hitlerit dhe jo vetëm.
