Një varietet i rrallë i frutit durian po bën bujë në Indonezi pasi po shitet për $1,000 për kokërr, më shumë se tre rroga mesatare atje.
Varieteti i ashtuquajtur “J-Queen” shitet në një qendër tregtare në Tasikmalaya, West Java, futur në kuti të tejdukshme mbi satin të kuq, dekoruar me lule false.
Etiketa e çmimit shkruan 14m rupiah, ose rreth $1,000. Rroga mesatare në Indonezi kap flerën e 3.94m rupiah.
Pas frutit të rrallë fshihet 32-vjeçari indonezian Aka, i cili është diplomuar në psikologji. Ai thotë se ky varietet u krijua duke përzierë dy sythe superiore të frutit durian nga rajone të ndryshme të Indonezisë.
Pema “J-Queen,” thotë ai, pjek frutin e vet një herë në tre vite dhe thuhet se ka shijen e kikirikëve dhe gjalpit. Në dallim nga durianët tipikë, të cilët kanë formë të stërzgjatur, frutat e pemës J-Queen janë rrumbullakët dhe të verdhë të artë.
Aroma e durianëve ndryshon nga njeriu në njeri. Disa mendojnë se mban erë të ëmbël, të këndshme, ndërsa të tjerë ndjejnë një aromë të fortë, të padurueshme. Shpeshherë, aroma e këtij fruti është përshkruar si qepë të kalbura dhe kanalizme ujërash të zeza.
