Gazetari “masakron” Ramën/ Po rrezikon seriozisht këtë vend

509

Gazetari Elio Laze ka reaguar pas komenteve që kanë pushtuar mediat online, pasi një 20-vjeçar mashtroi dy moderatore shqiptare,

me pretendimin se kishte fituar çmimin e parë të një konkursi në Moskë, por dikush me koment në Instagram zbuloi se piktura i përkiste një artisti të huaj.

Në një postim në rrjetet sociale, gazetari Laze shkruan se “Sot në vitin 2019 njësoj si Edliri që nuk është piktor ne kemi profesorë me tituj dhe grada shkencore që nuk kanë bërë as shkollën e mesme. Ne kemi vrasës që në delir të plotë morën mandate deputetësh dhe miratojne ligje për 3 milionë e kusur “Edlirë”.

Ne kemi tutorë prostitutash si drejtorë të përgjithshëm. Ne kemi trafikantë ose skafistë më saktë që në delir u maskuan si njerëz të ligjit dhe bënë drejtësi në këtë vend. Në delir të plotë ne sot kemi nja 1milion e kusur juristë që diplomat i blenë thjesht se kishin 1500 euro në xhep. Por nuk është këtu fundi i delirit të “Edlirëve”.

Më tej, ai thekson se kemi që në 2013 që pranojmë të na qeverisë një delirant, i cili ashtu si Edliri nuk është as piktor, as shkrimtar dhe as politikan.

“Është një delirant që nën pushtetin e parave, bandave, drogës, krimit dhe korrupsionit mban nën sundim një popull të tërë që jeton në delir.
Edliri, fytyra e të cilit u mor publikisht në TV Klan, është produkt i delirit ku kemi me dhjetëra vite që jetojmë.

Fillimi i fundit të delirit tonë, do të jetë dita kur edhe deliranti Edi si kryeministër piktor të trajtohet në media njësoj si Edliri piktor jo kryeministër.
Deri në atë ditë, unë besoj që Edliri është një delirant pa asnjë impakt publik.
Deliri i kryeministrit po rrezikon seriozisht këtë vend.”-shkruan gazetari Laze.

Postimi i plotë:

Edi, Edliri dhe deliri!

U njoha ditën e djeshme me rastin e Edlir Rekës. Djaloshit 20 vjeçar nga Berati i cili duke ndërtuar një histori suksesi në kokën e vet doli nëpër televizione duke dhënë intervista si triumfator i konkurseve ndërkombëtare në pikturë.

E ndoqa intervistën e Rudina Magjistarit me shumë vëmendje dhe kam vlerësimin maksimal për të si gazetare për formën e intervistës dhe “zbardhjes” së të vërtetave të mashtrimit të Edlirit. Pashë edhe shumë reagime në rrjetet sociale, ku Edlirin e tallën, e shanë dhe e përbuzën.

Edliri nuk është e keqja e këtij vendi. Edliri është produkt i kohës ku po jetojmë. Edliri jeton në delirin e tij. Dhe nuk është i vetmi.
Kemi jetuar 45 vite të komunizmit në delir të plotë. Barkun bosh ama krenarë. Një popull “Edlir” që jetonte në delir duke besuar se ne ishim një superfuqi botërore. Ishim 2 milionë e kusur “Edlirë” që besonin që politikën botërore e bënin ata të mbaruarit e Amerikës, Rusia e madhe dhe Shqipëria.

Ne që besonim që ishim vend super i zhvilluar e të tjera delire që qarkullonin në kokat e Edlirëve shqiptarë.
Më pas erdhi demokracia. Por deliri nuk na u nda. Jetuam disa vite në delir me besimin që po jetohej ëndrra e demokracisë, kur në fakt po jetohej thjesht një kaos i pakuptimtë. E po ashtu në delir të plotë, morëm armët dhe vramë njëri tjetrin. Sepse si Edliri edhe shqiptari jetonte në delirin e më të fortit dhe më zemër hekurit.

Dhe deliret e “Edlirëve” nuk përfunduan.
Sot në vitin 2019 njësoj si Edliri që nuk është piktor ne kemi profesorë me tituj dhe grada shkencore që nuk kanë bërë as shkollën e mesme. Ne kemi vrasës që në delir të plotë morën mandate deputetësh dhe miratojne ligje për 3 milionë e kusur “Edlirë”. Ne kemi tutorë prostitutash si drejtorë të përgjithshëm.

Ne kemi trafikantë ose skafistë më saktë që në delir u maskuan si njerëz të ligjit dhe bënë drejtësi në këtë vend. Në delir të plotë ne sot kemi nja 1milion e kusur juristë që diplomat i blenë thjesht se kishin 1500 euro në xhep. Por nuk është këtu fundi i delirit të “Edlirëve”.

Kemi që në 2013 që pranojmë të na qeverisë një delirant, i cili ashtu si Edliri nuk është as piktor, as shkrimtar dhe as politikan. Është një delirant që nën pushtetin e parave, bandave, drogës, krimit dhe korrupsionit mban nën sundim një popull të tërë që jeton në delir.

Edliri, fytyra e të cilit u mor publikisht në TV Klan, është produkt i delirit ku kemi me dhjetëra vite që jetojmë.
Fillimi i fundit të delirit tonë, do të jetë dita kur edhe deliranti Edi si kryeministër piktor të trajtohet në media njësoj si Edliri piktor jo kryeministër.

Deri në atë ditë, unë besoj që Edliri është një delirant pa asnjë impakt publik.
Deliri i kryeministrit po rrezikon seriozisht këtë vend.