Edhe pse prej disa ditësh tashmë nuk e kemi ndjerë aq shumë acarin që kishte pushtuar vendin në dhjetor, i ftohti pritet të kthehet sërish.
Sipas MeteoAlb, ditët e fundit të janarit do të vijojnë me reshje shiu dhe dëbore në zonat malore mbi 700 metra nga niveli i detit.
Ndërsa, temperaturat do të jenë tipike të dimrit për pjesën më të madhe të vendit, përjashtuar Verilindjen.
Sa i përket muajit shkurt, sipas MeteoAlb do të kemi prezencë të shpeshtë të reshjeve dhe pritet gjithashtu një hyrje e masave ajrore polare nga mesi i muajit.
Edhe pse i ftohti rikthehet, pritet që në tërësi muaji shkurt të sjellë temperatura më të larta se vlerat normale mujore.