Bora dhe shiu kaluan mirëpo mjegulla shoqëroi gjatë gjithë ditës qytetin
Mjegulla ka mbuluar sot Shkodrën dhe ato që dukeshin si re të bardha krijuan vështirësi sidomos tek shoferët të cilët u munduan që të jenë të kujdesshëm
Mjegulla ka nisur që nga mesnata deri në orët e mesditës. Të gjithë akset rrugore kanë qenë të mbuluar nga mjegulla dhe pamja ka qenë shumë i kufizuar
Për shkak të dendësisë se madhe të mjegullës e cila të lejon shikimin vetëm pak metra edhe policia rrugore ka paralajmëruar shoferët që të jenë sa më të kujdesshëm për të mundësuar parandalimin e aksidenteve
Megjithatë edhe pse qyteti ka qenë tërësisht i mbuluar nga mjegulla, nuk raportohet të ketë shkaktuar ndonjë incident