Fshati Kastrica deri në vitin 1927 quhej Barkmadhi ose Brakmadhi, por meqenëse emri i këtij fshati kishte kuptimësinë e fjalës të gjuhës shqipe, atëherë me dekret të Mbretërisë së Greqisë, të 1 prillit 1927, FEK A76/1927, iu ndërrua emri, ashtu si shumë fshatra të tjerë në Epir.
Kastrica ose Barkmadhi ndodhet 10 kilometra larg qytetit të Janinës, buzë liqenit. Sipas disa të dhënave, në këtë fshat në vitin 1196 është ndërtuar manastiri katolik i Shën Gjon Pagëzorit. Pra, banorët e këtij fshatit i përkisnin besimit katolik. Ndërsa, kisha dhe manastiret e ritit ortodoksë datojnë në vitin 1765.
Sot., kisha katolike e Shën Gjon Pagëzoit është kthyer në kishë ortodokse.
Në territorin e këtij fshati janë gjetur vendbanime të lashta arkeologjike, varre, enë qeramike.
Ka hipoteza që vendbanimi i lashtë që është gjetur në kodrën e Kastricës-Barkmadhit, të jetë pallati ku ka jetuar Olimbia – nëna e Aleksandrit të Madh dhe motra e mbretit Pirro.
Duhet thënë se fshatrat në Epir apo Çamëri, ku kanë jetuar shqiptarët, janë zbuluar gjurmë të vendbanimeve të lashta. Shteti grek ka ushtruar presion, dhu.në dhe gjenocid për të përzënë shqiptarët vendas nga Epiri dhe vendosi ortodoksë të ardhur nga Karpatet dhe Azia e Vogël.
Më tej, me dekrete të veçanta Greqia ndryshoi nga viti 1913 e deri 1960 të gjitha toponimet që ishin me fjalë të gjuhës shqipe.
