Ditët e fundit ka pasur radhë të gjata tek mamografia në spitalin rajonal të Shkodrës. për pasojë janë zhvilluar dhe debate mes qytetareve dhe mjekëve të imazherisë.
Ndërkohë lidhur më këtë shqetësim ka reaguar shefi i imazherisë Agim Dokaj i cili thote se aparaturat e mamografisë kanë një kapacitet të caktuar të numrit të kontrolleve dhe nuk mund të përballojnë gjithë këtë fluks të grave në një ditë të vetme.
Mjeku Dokaj ka një thirrje për të gjitha gratë.
Në të gjithë vitin mamografia është falas ndaj nuk është nevoja që të krijohen debate në lidhje me vizitat pasi sa më pak radhë të ketë aq më cilësor do jetë shërbimi nga mjekët.
