“Derisa borxhi të na ndajë”

315

Gjithnjë e më tepër vihet re një tendencë e çifteve për të shpenzuar shumë më shumë se çfarë i përmban buxheti vetëm për ditën e dasmës.

Një studim i kryer në Amerikë ka rezultuar se më shumë se një milion amerikanë huazuan para vitin e kaluar për martesën e tyre të ëndrrave, sipas krahasimit të financave personale Finder.com.

Shuma mesatare e huazuar për të mbuluar shpenzimet ishte 3,082 dollarë. Dita tyre e veçantë vinte me një listë gjërash të kushtueshme si fustani, vendi i përshtatshëm, ftesat, ushqimet, arredimi etj. Të dhënat tregojnë se nga 126 milionë amerikanë, mbi një milion u martuan vitin e kaluar.

Tetëdhjetë për qind e amerikanëve që huazuan para në vitin 2017, për të mbuluar në mënyrë specifike shpenzimet e martesës, kishin një borxh prej 3.48 miliardë dollarë, zbuloi studimi i Finder. Shumica e çifteve (35.7 për qind) u kthyen tek kartat e kreditit ose kreditë personale (28.6 për qind) për të ndihmuar në financimin e ditës së tyre. Studimi gjithashtu tha se pothuajse një në pesë çifte të martuara (21.4 për qind) huazuan para nga familja ose miqtë.

“Kur është fjala për financimin e martesës së dikujt, është e rëndësishme që jo vetëm të analizoni aftësinë tuaj për të shlyer kredinë që merrni, por edhe të gjeni një mënyre për të ulur shpenzimet”, tha Jennifer McDermott, avokatja e klientëve të Finder. “Meqenëse të gjitha kushtet e huasë ndryshojnë shumë, është e rëndësishme të vlerësohen përqindjet vjetore dhe të bien dakord për një periudhë mesatare të shlyerjes së kredisë.

Sapo të fillojë shlyerja, do të jeni përgjegjës për koston kryesore të kredive dhe interesin që është akumuluar”- tha ajo duke theksuar:
“Mos harroni, një ditë e lumtur nuk vlen vite të stresit financiar”.