Nga Iva Tiço
Mund të ndodhë të ftosh dikë për drekë, pa patur një plan të tillë. Për mua ushqimi i porositur nuk është kurrë zgjidhje. Nëse fton njerëz në shtëpi, duhet të shërbesh ushqim shtëpie, çfarëdoqoftë ai, është më mirë se çdo lloj ambalazhimi,
që sjell motoristi (vetëm ai kërkon kohë dhe durim, derisa t’i shpjegosh tunelin e pallatit dhe si të numërojë hyrjet).
Dreka që bëra të dielën, për një rast të tillë kërkonte vërtetë vetëm 15 minuta punë. Meqë unë dhe mysafirja nuk e kishim me shumë ngut, në vetëm dhjetë minuta u bë edhe një ëmbëlsirë, një zupë e shijshme dhe e bukur,
pa u dashur të bëheshin më parë psonisje, vetëm me gjëra që kisha në frigorifer dhe nëpër dollapë.
