Familja Lekaj e la Shqipërinë në vitin 2014 dhe emigruan drejt Francës. Ata u shpërngulën në Vitre, provincë në Ren dhe kanë 4 vite e gjysmë që jetojnë aty.
Ata u kërcënuan me ekspuls disa muaj më parë, por në mbrojtje i erdhën qytetarë nga e gjithë zona, përfshirë këtu edhe shokës të shkollës së djalit të madh të familjes të quajtur Samuel.
Familja jetonte në një banesë me qira, të cilën e paguante rreth 300 euro në muaj.
Safet Lekaj, kryefamiljari kishte lidhur një kontratë me Shoqatën Sharing Benefit në Vitre, ndërsa Minela bashkëshortja e tij punonte si sanitare.
Samueli, 17 vjeç është një student i shkëlqyer, zëvendëspresident i shkollës ku studion dhe senator klase. Gjithashtu vëllai i tij 15-vjeçar Semiri është student me nota shumë të mira.
Shkaku pse u organizuan protesta të shumta në mbrojtje të tyre ishte integrimi perfekt i familjes me shtetin francez. Qytetarët francezë dolën në mbrojtje të familjes shqiptare me parulla në duar “emigrimi nuk është krim”.
Një video e Samuelit po qarkullon bujshëm në mediat franceze, ku ai deklaron se e ka harruar shqipen dhe vendin e tij duke e cilësuar si vend të humbur.
