Pamjet e një aksidenti që për fat të mirë ka përfunduar pa dëmtime të mëdha janë publikuar nga policia rrugore.
Ngjarja ka ndodhur në qytetin e Shkodrës dhe siç mund të shikohet nga pamjet e mëposhtme, duket që faji është tërësisht i zonjës kalimtare dhe jo i shoferit, i cili është munduar ta shmangë e të frenojë sapo e ka parë gruan.
Duke thënë se një pjesë e madhe e aksidenteve ndodhin për faj të kalimtarëve, në postimin e bërë publik, policia bën apel për kujdes.
Ndër të tjera thuhet:
Lutemi shikoni videon, bëni kujdes kalimtarët! Kjo ndodhi sot në Shkodër. Mbi 50% e aksidenteve rrugore shkaktohen nga këmbësorët. Fatmirësisht kalimtarja është jashtë rrezikut për jetën”.
