Sipas revistës së njohur “Archeology”, në Shqipëri është zbuluar një qytet i humbur ilir.
Mediat e huaja po i bëjnë jehonë një zbulimi të rëndësishëm arkeologjik në Shqipëri. Një perlë duket se do i shtohet trashëgimisë shqiptare.
Zbulimi është bërë nga arkeologët polakë në veriperëndim të Shqipërisë.
Qyteti 2-mijë vjeçar mendohet se është Basania, që është përshkruar nga historiani romak, Livi, gjatë diskutimeve të betejave të Gentit, mbretit të fundit të Ilirisë.
Deri më tani janë zbuluar portat e qytetit, dy bastione dhe mure të gjera prej guri.
Po ashtu janë zbuluar edhe monedha dhe qeramika pranë mureve, që datojnë në shekullin e katërt Para Krishtit.
Arkeologët thonë se qyteti është harruar pas disfatës me romakët, pasi nuk dihet se përse nuk është përmendur në shkrimet e mëvonshme.