Ecuria jo e mirë që patën në sezonin e fundit në drejtimin e Vllaznisë, i
ka penalizuar jo pak dy ish-trajnerët e saj Armando Cungu dhe Ernest Gjoka.
Këtë e tregon më së miri edhe fakti që sot ata të dy janë të papunë.
Pavarësisht ndonjë diskutimi apo aludimi për uljen e shkodranit në pankinat e Laçit dhe Partizanit, tashmë këto skuadra i kanë përzgjedhur trajnerët.
Rënia e Vllaznisë nga Superliga ka qenë një kosto jo e vogël për këta trajnerë, ndonëse dihet që nuk kanë qenë vetëm fajet e tyre për këtë dështim.
Skuadrat e Superligës tashmë thuajse i kanë plotësuar pankinat e tyre teksa ka vetëm një dilemë nëse Ilir Daja do të largohet apo jo nga Skënderbeu për tek Flamurtari.
Pankina e vetme që mbet bosh pritet të jetë ajo e korçarëve por tashmë vështirë ta lakmojë më kush.
Ja si paraqitet situata me pankinat e skuadrave të Superligës në prag të nisjes së sezonit të ri:
Skënderbeu- Ilir Daja?
Kukësi- Peter Pacult
Luftëtari- Milos Kostiç
Laçi- Besnik Prenga
Partizani- Skënder Gega
Flamurtari- Ilir Daja?
Teuta- Blendi Shkëmbi
Kamza- Pietro Vierchowod
Tirana- Ze Maria
Kastrioti- Elvis Plori
© shkodrasport.com
