Quhet Sulejman Bajrami eshte 50 vjec. Prej 4 muajsh ai ndodhet i paralizuar dhe është i paaftë për punë.
Ndërkohë edhe vajza e shtëpisë Jetmira vetëm 21 vjece është e paralizuar. Që në lindje organizmi i saj ushqehet vetëm me qumësht dhe me biskota bebeje për shkak se qelizat e saj kanë mbetur të pazhvilluara.
Pjestarët e familjes Bajrami me banim në lagjen “Liria” në qytetin e Shkodrës po kalojnë ditë jashtëzakonisht të vështira. Etleva gruaja e shtëpisë mes lotësh tregon se po kalon ditët më të vështira të jetës së saj.
Përvec se të ushqehet asaj i duhet që të paguajë nga kempi i vajzës qeranë e shtëpisë dhe të blejë ilacet për burrin e vajzën të cilat janë tepër të kushtueshme
Etleva bën apel për ndihmë. Ajo tregon se nuk e ngopin barkun me bukë sepse i duhet të blejë ilacet dhe të paguajë qerane e shtëpisë
Nëna Etleva ka kohë që nuk mendon më për veten.Brenga e saj janë vetëm bashkëshorti dhe vajza.
Skamja duket se eshte Zot shpie në këtë familje, ku fjala duket e pafuqishme përballe pamjeve te renda qe sjell kjo histori.
STAR PLUS TV – MIRSAD RAKAJ
