Në kampionatin shqiptar ditën e nesërme në orën 17:00 do të luhen të gjitha ndeshjet e javës së fundit.
Me Skënderbeun të shpallur kampion dhe Kukësin që ka siguruar vendin e dytë, ekipet e tjera ende nuk e kanë thënë fjalën e fundit.
Sipas “Tuttomercatoweb”, portali italian nuk e klasifikon Skënderbeun si skuadra që do të luajë në Champions League, por Kukësin, pasi korçarët jaë të dënuar nga UEFA me një pezullim 10 vjeçar dhe një gjobë prej 1 milion euro.
E gjithë vëmendja do të jetë te Kamza dhe Vllaznia, të dyja në transfertë do të luajnë për “shpresën” e fundit.
Nëse Partizani fiton ndaj kamzalinjve dhe shkodranët fitojnë në Korçë, atëherë Vllaznia nuk do të bjerë një kategori më poshtë dhe do të jetë përsëri mes ekipeve më të mira në sezonin e ardhshëm.
