1923/ Gjergj Fishta: Kriteret që duhet të plotësojë ai që kërkon të jetë deputet i Kuvendit të Shqipërisë

At Gjergj Fishta (1923) – Revista Hylli i Dritës

“Për shtetin tonë është nevoja të mblidhet sa më parë Kuvendi i Dheut ose

Konstituenta, sepse nevojitet një reformë rrënjësore si nga trajta politike edhe nga parimet kulturore, sipas të cilave të ndërtohet përfundimisht shteti shqiptar.

Për të ligjëruar me ndonjë kalangerç “gishti” intrigat e ambicjet e njërës a të tjetrës kastë, të njërit e të tjetrit idiot surrullup e surrat-qerep, s’ia vlen as mundimi të mblidhet Kuvendi i

Dheut, e është një krim të shpenzohen paratë e Shtetit –

gjaku i popullit të ngratë – për një komedi kaq të dëmshme të poshtër.

Së pari e kryesorja, delegati për Asamblenë Kushtetuese duhet të jetë Shqiptar.

Kur them “Shqiptar” kuptoj Shqiptarin tamam Shqiptar, domethënë: Shqiptar me gjuhë e Shqiptar me të lindur –

që të ketë lindur brenda kufijve të Shtetit Shqiptar: e jo Shqiptar adoptiv – bir në shpirt i Shqipërisë – Shqiptar me dy pasaporta në xhep: me valixhe ne dorë e me shtëpi në shpinë të kalit – sot këtu, nesër kushedi se ku: si zogjtë, që ndërrojnë vend sipas këmbimit të stinës.

Prej kësaj rregulle të përgjithshme do të përjashtohen të gjithë ata, që me botime të veta të vlershme kanë ndriçuar e begatuar letërsinë shqipe, e me të holla e vepra të tjera patriotike janë orvatur për triumfin e lirisë sonë kombëtare.

Së dyti, delegatët duhet të jenë burra të ndershëm e njerëz bese e burrnije.

Së treti, ndër kandidatët thjesht shqiptarë e burra të ndershëm, duhen zgjedhur më të diturit e kuvendarët më të mirë. Zgjedhësi që zgjedh delegatin, deputetin për hir të një partie politike, ai bën një faj të rëndë ndaj kombit.

Brumi i kombit shqiptar, muhamedan a kristian qoftë, është i shëndoshë, e si ata që mbahen me parti qeveritare, si ata që përkrahin Opozitën, në këtë brumë mund të gjejnë mjaft burra të ndershëm e të zot të punës:

këta le të zgjidhen: e këta pastaj, kur të shkojnë në Asamble, në daçin të mbahen me Qeveri e në daçin me Opozitë.

Burrat e ndershëm do ta shohin vetë se nga është e drejta, do të dinë se nga të mbajnë, mjafton që brenda të mos ketë piça e rrugaçë, sallahana e intrigantë të patur e marre.

Sistemi politik e administrativ i sotëm duhet shkulur me gjithë rrënjë, nëse duam që Shqipëria të jetojë e të përparojë.

“Shqiptarët janë spiuna, më futën në burg”, rrëfehet këngëtari Ermal Fejzullahu

Këngëtari Ermal Fejzullahu dhe moderatori Labi kanë treguar ekperiencën e tyre në një burg të Zvicrës.   Ermali zbuloi ka përfunduar 24 orë në burg në...

Ka qenë i lidhur më parë me Olta Gixharin? Mikja e Xhonatanit tregon të vërtetën

Që në momentin që Xhonatan u bë pjesë e shtëpisë së Big Brother Vip, në rrjet filluan të qarkullonin thashethemet se mes tij dhe...

Shperndaje ketë postim:

spot_imgspot_img

- PUBLICITET -

Aktualitet

NA NDIQNI NE INSTAGRAM

Te tjera
LAJME

Weee s’kanë fund çudirat! Banorja e BBV lan flokët në lavamanin e kuzhinës (video)

Banorja e “Big Brother VIP Kosova”, Mbresa gjatë mbrëmjes...

“Shqiptarët janë spiuna, më futën në burg”, rrëfehet këngëtari Ermal Fejzullahu

Këngëtari Ermal Fejzullahu dhe moderatori Labi kanë treguar ekperiencën...