Të dy me shkollë të lartë, të dy me smartfona…po u divorcuan ditën e dasmës

Nga Edison Ypi

Të dy me shkollë të lartë. Të dy me smartfona. Të dy me email me pasuord që nuk e zbërthen dot as CIA. U njohën gjatë ceremonisë së promuovimit të një libri të keq të palexueshëm. Ai u mahnit pas saj nga mënyra se si ajo tundëte flokët. Ajo u magjeps pas njohurive të tij në fushën e Letërsisë kur ai i tha; “shum’ nice ky libri” dhe ajo ja ktheu; “goxha cool ky autori”.

Pasi u takuan disa herë dhe zbuluan binjakërinë e shpirtrave, vendosën të fejohen. Pas një viti u martuan. Ndër këngët që u kënduan në dasëm mbresa të thella la “Ristana”, veçanërisht vargu lotëndjellës; “S’pata pare me të majtë”.

Dikush mori në fotografi dhëndërrin duke teshtitur, çka dhëndërrit nuk i pëlqeu. Një çakërrqef nxorri nga brezi një kobure dhe u bë gati ta çponte tavanin. Dy që qenë më esëll arritën t’ja heqin koburen nga duart adhuruesit të Traditës pasi e bindën se kishte ngatërruar shekullin.

Dasma po shkonte për bukuri. Kur befas u vunë re disa lëvizje nervoze të dhëndrrit. Dhëndrri vej-e-vijke me një celular në dorë si i tërbuar.

Me gjasa në ekranin e atij celulari duhej të kishte diçka tmerruese. Dasma nisi t’i ngjante një zjarri shkarpash të shndrruar në hi. Në fillim mbyturazi, pastaj me zë të plotë dasmorët nisën të pyesnin të habitur; ç‘ka ndodhur, ç‘po bën vaki?!

Shpejt u muar vesh se njohjen e beftë, shpirtrat binjakë, dashurinë e zjarrtë, fejesën e ëmbël, dasmën dhe martesën e shumpritur, i kishte marrë lumi;

Ai dhe ajo nuk do martoheshin, nuk do bëheshin burr’ e grua, nuk do pillnin bastarda. Pse-pse-pse? pyesnin të gjithë të habitur.

Disa të ftuar ja plasën të qarit. Vazhdoi kjo gjendje me pëshpërima, psherëtima, piskama, ku dihej pasoja por jo shkaku, derisa doli një kunat i dhëndërrit që tha; Na vjen keq që i braktisët tavolinat e të ngrënave si arena luftrash të humbura. Ishte e paimagjinueshme të ndodhte një hata e tillë me një dhëndërr sa trendy dhe tradicional si kunati im. Por faktet janë kokforta.

Gjithçka është e dëshmuar me një foto që u bë me celular nga një shok për kokë dhe mik besnik i dhëndrrit. E vërteta e hidhur është se në foton fatale që u bë sebep për këtë divorc është fiksuar momenti kur gjatë një vallëzimi rock nuses j’u dukën brekët.

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...