Trajneri Gjoka kërkon të mbajë “me këmbë në tokë” futbollistët e tij

439

Prej tre ditësh Vllaznia ka nisur përgatitjet për sfidën e rradhës me Teutën dhe ajo që konstatohet është “presioni” nën të cilin trajneri Ernest Gjoka është duke munduar ta mbajë skuadrën “me këmbë në tokë”.

- PUBLICITET -

Padyshim që fitorja në Lushnjë ka patur një rëndësi të madhe por numri 1 i pankinës kuqeblu e ka të qartë se skuadrën e tij e pret një ballafaqim shumë më i vështirë këtë javë.

Durrsakët po kalojnë momente të vështira dhe natyrshëm që do të kërkojnë të bëjnë kthesën e tyre dhe në fakt ka ndodhur shpesh që Vllaznia ka qenë “objektivi” i skuadrave të tilla.

Prandaj dhe trajneri i skuadrës shkodrane që prej së hënës është munduar “ta shuajë” entuziasmin e krijuar tek futbollistët pas fitores në Lushnjë.

Kjo ngaqë e hëna do të jetë një sfidë me shumë rëndësi dhe që mund të vendosë shumë gjëra për të ardhmen e Vllaznisë në kampionat.
© shkodrasport.com

- PUBLICITET -