Më 2 tetor dy qeveritë e Shqipërisë dhe Kosovës do të mbajnë takimin e radhës, por jo në Shkodër. Mësohet se takimi i dy qeverive do të mbahet në orën 11:00 në pallatin e Kongreseve në Tiranë.
Fillimisht mbledhja ishte parashikuar në 25 shtator, por që u shty me kërkesë të kryeministrit të Kosovës, Hoti për shkak të seancës së Kuvendit.
“Për shkak të seancës së Kuvendit të Kosovës, u dakorduam me Kryeministrin Rama që mbledhjen e përbashkët të dy qeverive tona, të paraparë për këtë të premte, ta mbajmë më 2 tetor” ka thënë më herët Hoti.
