Çdo pasdite, ekrani i “Top Channel” i dedikon një hapësirë të veçantë emisionit “Përputhen”. Kur kanë kaluar një javë nga fillimi i saj, kanë filluar të krijohen protagonistët e parë, e padyshim njëra prej tyre është Ana.
Ajo ka paraqitur në ekran një tip moskokëçarës, por puntatën e sotme ajo tregoi një anë tjetër të saj. Bukuroshja brune, u prek së tepërmi nga një komentues, i cili kishte shkruar për të:
“Kur e shikon babi i Anës twerk t’u kërcy, do të krenohet aq shumë me të që nuk e ka dit çfarë talenti ka pas vajza e tij”.
Por Ana zbuloi se babai ka vite që është larguar nga kjo jetë, e pikërisht përmbajtja e emrit të tij në koment e përloti atë. Ajo nuk ngurroi të kundërpërgjigjet duke e cilësuar këtë botë si hipokrite.
“Mendoj që ai është shumë krenar atje ku është për mua sepse rriti një fëmijë që jo shkon pas turmës, por turma shkon pas saj”, tha mes lotësh Ana.
“Të jesh vetja në një botë kaq hipokrite quhet ashtu, por nuk jam ashtu. Edhe nëse jam ashtu është zgjedhja e imja, nuk ka çfarë t’iu duhet ju. Unë nuk jam ashtu.
Dëgjo kjo është thembra e aklit tek unë, është një gjë që gjithmonë do të prekem. Mendoj që ai është shumë krenar atje ku është për mua sepse rriti një fëmijë që nuk shkon pas turmës, por turma shkon pas saj”, u shpreh Ana.
