Arbana Osmani dhe Eduart Grishaj do të bëhen së shpejti prindër për herë të parë. Në rrjet përflitet se moderatorja është në pritje të një djali, por gjinia e bebushit nuk është konfirmuar ende.
Ajo ka nisur së fundmi pushimet dhe nuk i ka kursyer fotot në rrjete sociale. Arbana ka publikuar në profilin e saj të Instagramit një foto ku shihet e veshur me rrobabanjo dhe në sy bie barku i rrumbullakosur.
Si gjithmonë, moderatorja ka pozuar e buzëqeshur dhe ka marrë komplimente të shumta nga ndjekësit. Ajo është treguar disi e rezervuar për këtë periudhë të jetës së saj, megjithatë herë pas here ka ndarë me ndjekësit foto duke treguar barkun.
